I sommar inviterer vi til ei ny og spanande smaksoppleving på Skinkerådhuset, det staselege huset midt i Stranda sentrum. Kom og smak på det beste Stranda har å tilby! Du får servert fem ulike sidrar frå Skarbø gard, Sunnmøre sitt første sideri. Til kvar sider kjem ein ny tapas, laga med dei beste skinkene frå Stranda og Tind, og handverksostar frå Skarbø, akkompagnert av andre lokale matskattar. Vi guidar deg gjennom smakane, og deler dei unike historiene bak produkta. Velbekomme!